હીપેટાઈટીસ –એ નો રોગ વાઈરસથી થતો રોગ છે. આ વાઈરસ પાણી કે દુષિત હાથ કે ખોરાક દ્વારા ફેલાય છે. આ રોગનો ચેપ મોટા ભાગના બાળકોને 5 વર્ષની ઉંમર સુધીમાં થઈ જતો હોય છે પરંતુ સદભાગ્યે બાળકોમાં 85 % માં આ રોગ બહુમૂલી અસરો પેદા કરેછે અને મોટા ભાગના બાળકોને કમળાની અસર પણ થતી નથી. જ્યારે અન્યને તાવ -કમળો- પેટમાં દુઃખાવો- ઉલ્ટી ઉબકા જેવા લક્ષણૉ જોવા મળે છે પરંતુ ગંભીર પ્રકારની બિમારી બહુ જૂજ કિસ્સા માં જોવા મળે છે. જ્યારે આથી તદ્દન વિપરીત વયસ્કોમાં આ વાઈરસનો ચેપ ઘણો કષ્ટદાયક અને ઘણા કિસ્સામાં અતિ ગંભીર રુપ પણ લઈ લે છે.
| રસીનો પ્રકાર | અજીવ રસી |
| આપવાની ઉંમર અને ડોઝ | અઢાર (18)માસની ઉંમર પછી |
| કુલ ડોઝ | 2 (0.5 ml / dose) પ્રથમ ડોઝ – અઢાર માસ પછી બીજો ડોઝ – પ્રથમ ડોઝ ના છ માસ બાદ |
| ક્યાં અપાય છે | સાથળ માં ઉપરના બાહ્ય ભાગ પર |
| કેવી રીતે અપાય છે | 0.5ml સ્નાયુમાં (intramuscular) |
યાદ રાખો
આ રસી માત્ર પાણી દ્વારા ફેલાતા પ્રમાણ માં વધુ જોવા મળતા હીપેટાઈટીસ- એ વાઈરસ સામે જ રક્ષણ કરે છે. અન્ય હીપેટાઈટીસ વાઈરસ પ્રકાર બી- સી –ડી- ઈ સામે નહિ. આથી તેમનાથી જો ચેપ લાગે તો આ રસી કોઈ જ રક્ષણ આપતી નથી.
ધ્યાન રાખવા જેવી બાબત
- આ રસી ઘણી અસરકારક છે અને 94 થી 100 % કિસ્સામાં તે યોગ્ય રોગપ્રતિકારક શક્તિ પેદા કરી દે છે.
- આ રસી જો 10 વર્ષ કે તેથી મોટી વય નાને આપવામાં આવે તો તેમને બૂતકાળમાં આગળ કમળૉ થયેલો હતો કે નહિ તે જાણવુ જરુરી છે અથવા આ રોગના ચેપ અંગેનુ લોહિ પરીક્ષણ કરાવી સુનિશ્ચિત કર્યા બાદ જો ચેપ નથી થયો તેવુ પૂરવાર થાય તોજ રસી કરણ કરવુ જોઈએ. કારણકે આ ચેપ કોઈ લક્ષણૉ પેદા કર્યા વાર પણ થઈ ચૂક્યો હોય અને કુદરતી જ રોગ પ્રતિકારક શક્તિ બાળકમાં હાજર હોય તેવુ પણ શક્ય છે.
- રસીકરણ ની આડ અસરો જૂજ છે અને મુખ્યત્વે હળવો તાવ કે સામાન્ય દુઃખાવો જોવા મળી શકે.
- ઈંડીયન એકાડમી ઓફ પિડીયાટ્રીક્સ દ્વારા આ રસીની ભલામણ હાલ માત્ર માતા પિતા સાથે વિસ્તૃત ચર્ચા બાદ જો તેમને જરુર જણાય તો આવા બાળકો એ આપવા કરાઈ છે.
આ લેખ વિશે તમારી ગમતી સોસીઅલ વેબસાઈટ પર તમારા મિત્રો ને જણાવો...
